America യെമന്‍ സര്‍ക്കാരിന് എതിരെയുള്ള ആക്രമണത്തില്‍ യുഎസിന്റെ ഇടപെടല്‍ ഉണ്ടാകരുതെന്ന് ഹൂതികള്‍ ആവശ്യപ്പെട്ടതായി ഡോണള്‍ഡ് ട്രംപ് By Ayyappadas Kumbalathu Posted on September 13, 2026 0 second read 0 0 6 വാഷിങ്ടണ്‍: യെമനിലെ അന്താരാഷ്ട്ര അംഗീകാരമുള്ള സര്‍ക്കാരിന് എതിരെയുള്ള പോരാട്ടത്തില്‍ യുഎസിന്റെ ഇടപെടല്‍ ഉണ്ടാകരുതെന്ന് ഹൂതികള്‍ ആവശ്യപ്പെട്ടതായി അമേരിക്കന്‍ പ്രസിഡന്റ് ഡോണള്‍ഡ് ട്രംപ്. ഫോണില്‍ വിളിച്ചാണ് ഹൂതികള്‍ ആവശ്യങ്ങള്‍ അറിയിച്ചതെന്നും അദ്ദേഹം പറഞ്ഞു. സൗദി അറേബ്യയിലെ തെക്കന്‍ യെമന്‍ അതിര്‍ത്തിയിലുള്ള പ്രദേശത്ത് ഹൂതികളുടെ ഷെല്‍ ആക്രമണത്തില്‍ രണ്ട് പേര്‍ക്ക് പരിക്കേറ്റതായി സൗദി സിവില്‍ ഡിഫന്‍ അറിയിച്ചു. യെമന്‍ സര്‍ക്കാരിനെതിരെയുള്ള പോരാട്ടത്തില്‍ ചെങ്കടല്‍ തീരത്തെ നിയന്ത്രണം പൂര്‍ണമായും ഹൂതികള്‍ പിടിച്ചെടുത്തു. ഹൂതികള്‍ക്ക് എതിരെ പടിഞ്ഞാറന്‍ തീരത്ത് യെമന്റെ വ്യോമാക്രമണവും ഉണ്ടായിട്ടുണ്ട്. ഇതിനിടയില്‍ സൗദി അറേബ്യയും ഹൂതികളും തമ്മില്‍ ആക്രമണ പ്രത്യാക്രമണങ്ങള്‍ ഉണ്ടാകുകയും ചെയ്തു. അതേസമയം ഹോര്‍മൂസ് കടലിടുക്കിലെ പ്രാദേശിക സുരക്ഷ ചര്‍ച്ച ചെയ്യാന്‍ ഇറാന്‍ നാളെ ഗള്‍ഫ് രാജ്യങ്ങളുമായി കൂടിക്കാഴ്ച നടത്തും. അടിസ്ഥാന സൗകര്യങ്ങളെയും അത്യാവശ്യ സാധനങ്ങളുടെയും സാമഗ്രികളുടെയും വിതരണത്തെയും ലക്ഷ്യമിട്ട് യുഎസ് ആക്രമണങ്ങള്‍ നടത്തുന്നുവെന്നും ആരോപിച്ച ഇറാനിയന്‍ പ്രസിഡന്റ് മസൂദ് പെസെഷ്‌കിയാന്‍ യുഎസിന്റെ സമ്മര്‍ദത്തിന് ഇറാന്‍ ഒരിക്കലും വഴങ്ങില്ലെന്നും വ്യക്തമാക്കി.
ഇറാനെതിരായ പുതിയ ആക്രമണത്തിന് സാധ്യത കുറവെന്ന് ട്രംപ്; സമാധാന ചർച്ചകളിൽ പുരോഗതിയുണ്ടെങ്കിൽ സൈനിക നടപടി ഒഴിവാക്കും
ഇറാനെതിരായ പുതിയ ആക്രമണത്തിന് സാധ്യത കുറവെന്ന് ട്രംപ്; സമാധാന ചർച്ചകളിൽ പുരോഗതിയുണ്ടെങ്കിൽ സൈനിക നടപടി ഒഴിവാക്കും
സൗദി അറേബ്യയിലേക്കുള്ള എല്ലാ വിമാനസർവീസുകളും ഒക്ടോബർ 20 വരെ നിർത്തിവച്ചതായി എയർ ഇന്ത്യ ഡൽഹി: ഹൂതി വിമതരുടെ അതിരൂക്ഷ ആക്രമണം നേരിടുന്ന സാഹചര്യത്തിൽ സൗദി അറേബ്യയിലേക്കുള്ള എല്ലാ വിമാനസർവീസുകളും ഒക്ടോബർ 20 വരെ …
