ലീപ് സെക്കന്‍ഡ് :ഇന്ന് ദിവസം അവസാനിക്കാന്‍ ഒരു സെക്കന്‍ഡ് വൈകും

വാഷിങ്ടണ്‍: ഇന്ന് ദിവസം അവസാനിക്കാന്‍ ഒരു സെക്കന്‍ഡ് വൈകും. ലീപ് സെക്കന്‍ഡ് എന്ന പ്രതിഭാസത്തെത്തുടര്‍ന്നാണിത്. ഭൂമിയുടെ ഭ്രമണത്തില്‍ വരുന്ന താമസമാണ് ഇതിനു കാരണമെന്നു നാസ അറിയിച്ചു. ജൂണ്‍ 30ന് അര്‍ധരാത്രി 23:59:59 എന്ന സമയം കഴിഞ്ഞാല്‍ അടുത്ത സമയം എന്നത് സാധാരണ 00:00:00 എന്നതായിരുന്നു. ഈ വര്‍ഷം ഇത് 23:59:60 എന്ന പുതിയ സമയം രേഖപ്പെടുത്തും. ഇതിനു ശേഷമേ ജൂലൈ ഒന്ന് ആരംഭിക്കൂ.

ഭൂമിയുടെ കറക്കത്തിന്റെ വേഗത കുറയുന്നതിനാലാണ് ഇങ്ങനെയൊരു അധിക സെക്കന്‍ഡ് (ലീപ് സെക്കന്‍ഡ്) നല്‍കേണ്ടി വരുന്നത്. അതേസമയം, അധിക സെക്കന്‍ഡ് കംപ്യൂട്ടര്‍ പ്രവര്‍ത്തനങ്ങളെ താളംതെറ്റിക്കാനും സാധ്യതയുണ്ട്. ആദ്യത്തെ അധിക സെക്കന്‍ഡ് വന്ന് 1972ലാണ്. ഇത് 26ാമത്തെ അധിക സെക്കന്‍ഡാണ്. ഭൂമികുലുക്കം, ശക്തമായ തിരമാലകള്‍, കാലാവസ്ഥ തുടങ്ങിയവ ഭൂമിയുടെ ഭ്രമണത്തെ ബാധിക്കാം. അവസാനത്തെ അധിക സെക്കന്‍ഡ് 2012ലാണ് ചേര്‍ത്തത്. അന്ന് ചില വെബ്‌സൈറ്റുകള്‍ക്ക് പ്രശ്‌നങ്ങള്‍ നേരിട്ടിരുന്നു.

Leave a Reply

Your email address will not be published. Required fields are marked *