അമ്മയോടൊപ്പം ഉറങ്ങിക്കിടന്ന കുഞ്ഞിനെ ബലാത്സംഗം ചെയ്തു തളളി; ശരീരാവയവങ്ങളില്‍ മരക്കൊമ്പ് കുത്തിക്കയറ്റിയ നിലയിലും

ചണ്ഡിഗഢ്: അമ്മയോടൊപ്പം ഉറങ്ങിക്കിടന്ന കുഞ്ഞിനെ ബലാത്സംഗം ചെയ്തു തളളിയ നിലയില്‍. തലേ ദിവസം അമ്മയ്‌ക്കൊപ്പം കിടന്നിരുന്ന പെണ്‍കുട്ടിയെ രാവിലെ എഴുന്നേറ്റപ്പോള്‍ കണ്ടില്ല. തുടര്‍ന്ന് നടത്തിയ അന്വേഷണത്തിലാണ് ഗ്രാമത്തിലെ ഒഴിഞ്ഞ പറമ്പില്‍ കുട്ടിയെ കൊല്ലപ്പെട്ട നിലയില്‍ കണ്ടെത്തിയത്. ഡല്‍ഹിയില്‍നിന്നും 160 കിലേമീറ്റര്‍ അകലെ ഹരിയാനയിലെ ഹിസാര്‍ ജില്ലയിലാണ് സംഭവം.

മരക്കമ്പ് കുട്ടിയുടെ ശരീരാവയവങ്ങളില്‍ കുത്തിക്കയറ്റിയ നിലയിലായിരുന്നുവെന്ന് ബന്ധുക്കള്‍ ആരോപിക്കുന്നു. പ്രഥമ ദൃഷ്ട്യാ കുട്ടിയെ ബലാത്സംഗം ചെയ്തുവെന്നാണ് കരുതുന്നതെങ്കിലും പോസ്റ്റ്‌മോര്‍ട്ടത്തിനു ശേഷം മാത്രമേ സ്ഥിരീകരിക്കാനാവൂ എന്ന് പോലീസ് വ്യക്തമാക്കി.സംഭവത്തില്‍ ഇതുവരെ ആരെയും അറസ്റ്റ് ചെയ്തിട്ടില്ല.

Leave a Reply

Your email address will not be published. Required fields are marked *